Viṣṇu Sahasranāma · ગુજરાતી

Vishnu Sahasranamam in Gujarati

The complete Vishnu Sahasranama Stotram (Mahābhārata, Anuśāsana Parva 149) in Gujarati script — the traditional opening, dhyānam, all 108 shlokas of the thousand names, and the phalaśruti. Transliterated letter-for-letter from the proofread Sanskrit source. To learn the names one shloka at a time — with the meaning of every name — start the journey, or browse all 1000 names with meanings.

Also read in: Telugu · Tamil · Kannada · Malayalam · Bengali · Devanagari / Roman

Opening

ૐ અથ સકલસૌભાગ્યદાયકં શ્રીવિષ્ણુસહસ્રનામસ્તોત્રમ્

શુક્લામ્બરધરં વિષ્ણું શશિવર્ણં ચતુર્ભુજમ્

પ્રસન્નવદનં ધ્યાયેત્ સર્વવિઘ્નોપશાન્તયે

verse 1

યસ્ય દ્વિરદવક્ત્રાદ્યાઃ પારિષદ્યાઃ પરઃ શતમ્

વિઘ્નં નિઘ્નન્તિ સતતં વિષ્વક્સેનં તમાશ્રયે

verse 2

વ્યાસં વસિષ્ઠનપ્તારં શક્તેઃ પૌત્રમકલ્મષમ્

પરાશરાત્મજં વન્દે શુકતાતં તપોનિધિમ્

verse 3

વ્યાસાય વિષ્ણુરૂપાય વ્યાસરૂપાય વિષ્ણવે

નમો વૈ બ્રહ્મનિધયે વાસિષ્ઠાય નમો નમઃ

verse 4

અવિકારાય શુદ્ધાય નિત્યાય પરમાત્મને

સદૈકરૂપરૂપાય વિષ્ણવે સર્વજિષ્ણવે

verse 5

યસ્ય સ્મરણમાત્રેણ જન્મસંસારબન્ધનાત્

વિમુચ્યતે નમસ્તસ્મૈ વિષ્ણવે પ્રભવિષ્ણવે

verse 6

Dhyānam

ક્ષીરોદન્વત્પ્રદેશે શુચિમણિવિલસત્સૈકતે મૌક્તિકાનાં

માલાકૢપ્તાસનસ્થઃ સ્ફટિકમણિનિભૈર્મૌક્તિકૈર્મણ્ડિતાઙ્ગઃ

શુભ્રૈરભ્રૈરદભ્રૈરુપરિવિરચિતૈર્મુક્તપીયૂષવર્ષૈ

રાનન્દી નઃ પુનીયાદરિનલિનગદાશઙ્ખપાણિર્મુકુન્દઃ

verse 1

ભૂઃ પાદૌ યસ્ય નાભિર્વિયદસુરનિલશ્ચન્દ્રસૂર્યૌ ચ નેત્રે

કર્ણાવાશાઃ શિરો દ્યૌર્મુખમપિ દહનો યસ્ય વાસ્તેયમબ્ધિઃ

અન્તઃસ્થં યસ્ય વિશ્વં સુરનરખગગોભોગિગન્ધર્વદૈત્યૈઃ

ચિત્રં રંરમ્યતે તં ત્રિભુવનવપુષં વિષ્ણુમીશં નમામિ

verse 2

ૐ નમો ભગવતે વાસુદેવાય

ૐ શાન્તાકારં ભુજગશયનં પદ્મનાભં સુરેશં

વિશ્વાધારં ગગનસદૃશં મેઘવર્ણં શુભાઙ્ગમ્

લક્ષ્મીકાન્તં કમલનયનં યોગિભિર્ધ્યાનગમ્યં

વન્દે વિષ્ણું ભવભયહરં સર્વલોકૈકનાથમ્

verse 3

મેઘશ્યામં પીતકૌશેયવાસં

શ્રીવત્સાઙ્કં કૌસ્તુભોદ્ભાસિતાઙ્ગમ્

પુણ્યોપેતં પુણ્ડરીકાયતાક્ષં

વિષ્ણું વન્દે સર્વલોકૈકનાથમ્

verse 4

નમઃ સમસ્તભૂતાનામાદિભૂતાય ભૂભૃતે

અનેકરૂપરૂપાય વિષ્ણવે પ્રભવિષ્ણવે

verse 5

સશઙ્ખચક્રં સકિરીટકુણ્ડલં

સપીતવસ્ત્રં સરસીરુહેક્ષણમ્

સહારવક્ષઃસ્થલકૌસ્તુભશ્રિયં

નમામિ વિષ્ણું શિરસા ચતુર્ભુજમ્

verse 6

છાયાયાં પારિજાતસ્ય હેમસિંહાસનોપરિ

આસીનમમ્બુદશ્યામમાયતાક્ષમલંકૃતમ્

ચન્દ્રાનનં ચતુર્બાહું શ્રીવત્સાઙ્કિતવક્ષસં

રુક્મિણીસત્યભામાભ્યાં સહિતં કૃષ્ણમાશ્રયે

verse 7

Stotram — the thousand names

ૐ વિશ્વં વિષ્ણુર્વષટ્કારો ભૂતભવ્યભવત્પ્રભુઃ

ભૂતકૃદ્ભૂતભૃદ્ભાવો ભૂતાત્મા ભૂતભાવનઃ

verse 1

પૂતાત્મા પરમાત્મા ચ મુક્તાનાં પરમા ગતિઃ

અવ્યયઃ પુરુષઃ સાક્ષી ક્ષેત્રજ્ઞોઽક્ષર એવ ચ

verse 2

યોગો યોગવિદાં નેતા પ્રધાનપુરુષેશ્વરઃ

નારસિંહવપુઃ શ્રીમાન્ કેશવઃ પુરુષોત્તમઃ

verse 3

સર્વઃ શર્વઃ શિવઃ સ્થાણુર્ભૂતાદિર્નિધિરવ્યયઃ

સમ્ભવો ભાવનો ભર્તા પ્રભવઃ પ્રભુરીશ્વરઃ

verse 4

સ્વયમ્ભૂઃ શમ્ભુરાદિત્યઃ પુષ્કરાક્ષો મહાસ્વનઃ

અનાદિનિધનો ધાતા વિધાતા ધાતુરુત્તમઃ

verse 5

અપ્રમેયો હૃષીકેશઃ પદ્મનાભોઽમરપ્રભુઃ

વિશ્વકર્મા મનુસ્ત્વષ્ટા સ્થવિષ્ઠઃ સ્થવિરો ધ્રુવઃ

verse 6

અગ્રાહ્યઃ શાશ્વતઃ કૃષ્ણો લોહિતાક્ષઃ પ્રતર્દનઃ

પ્રભૂતસ્ત્રિકકુબ્ધામ પવિત્રં મઙ્ગલં પરમ્

verse 7

ઈશાનઃ પ્રાણદઃ પ્રાણો જ્યેષ્ઠઃ શ્રેષ્ઠઃ પ્રજાપતિઃ

હિરણ્યગર્ભો ભૂગર્ભો માધવો મધુસૂદનઃ

verse 8

ઈશ્વરો વિક્રમી ધન્વી મેધાવી વિક્રમઃ ક્રમઃ

અનુત્તમો દુરાધર્ષઃ કૃતજ્ઞઃ કૃતિરાત્મવાન્

verse 9

સુરેશઃ શરણં શર્મ વિશ્વરેતાઃ પ્રજાભવઃ

અહઃ સંવત્સરો વ્યાલઃ પ્રત્યયઃ સર્વદર્શનઃ

verse 10

અજઃ સર્વેશ્વરઃ સિદ્ધઃ સિદ્ધિઃ સર્વાદિરચ્યુતઃ

વૃષાકપિરમેયાત્મા સર્વયોગવિનિઃસૃતઃ

verse 11

વસુર્વસુમનાઃ સત્યઃ સમાત્માઽસમ્મિતઃ સમઃ

અમોઘઃ પુણ્ડરીકાક્ષો વૃષકર્મા વૃષાકૃતિઃ

verse 12

રુદ્રો બહુશિરા બભ્રુર્વિશ્વયોનિઃ શુચિશ્રવાઃ

અમૃતઃ શાશ્વતસ્થાણુર્વરારોહો મહાતપાઃ

verse 13

સર્વગઃ સર્વવિદ્ભાનુર્વિષ્વક્સેનો જનાર્દનઃ

વેદો વેદવિદવ્યઙ્ગો વેદાઙ્ગો વેદવિત્ કવિઃ

verse 14

લોકાધ્યક્ષઃ સુરાધ્યક્ષો ધર્માધ્યક્ષઃ કૃતાકૃતઃ

ચતુરાત્મા ચતુર્વ્યૂહશ્ચતુર્દંષ્ટ્રશ્ચતુર્ભુજઃ

verse 15

ભ્રાજિષ્ણુર્ભોજનં ભોક્તા સહિષ્ણુર્જગદાદિજઃ

અનઘો વિજયો જેતા વિશ્વયોનિઃ પુનર્વસુઃ

verse 16

ઉપેન્દ્રો વામનઃ પ્રાંશુરમોઘઃ શુચિરૂર્જિતઃ

અતીન્દ્રઃ સઙ્ગ્રહઃ સર્ગો ધૃતાત્મા નિયમો યમઃ

verse 17

વેદ્યો વૈદ્યઃ સદાયોગી વીરહા માધવો મધુઃ

અતીન્દ્રિયો મહામાયો મહોત્સાહો મહાબલઃ

verse 18

મહાબુદ્ધિર્મહાવીર્યો મહાશક્તિર્મહાદ્યુતિઃ

અનિર્દેશ્યવપુઃ શ્રીમાનમેયાત્મા મહાદ્રિધૃક્

verse 19

મહેષ્વાસો મહીભર્તા શ્રીનિવાસઃ સતાં ગતિઃ

અનિરુદ્ધઃ સુરાનન્દો ગોવિન્દો ગોવિદાં પતિઃ

verse 20

મરીચિર્દમનો હંસઃ સુપર્ણો ભુજગોત્તમઃ

હિરણ્યનાભઃ સુતપાઃ પદ્મનાભઃ પ્રજાપતિઃ

verse 21

અમૃત્યુઃ સર્વદૃક્ સિંહઃ સન્ધાતા સન્ધિમાન્ સ્થિરઃ

અજો દુર્મર્ષણઃ શાસ્તા વિશ્રુતાત્મા સુરારિહા

verse 22

ગુરુર્ગુરુતમો ધામ સત્યઃ સત્યપરાક્રમઃ

નિમિષોઽનિમિષઃ સ્રગ્વી વાચસ્પતિરુદારધીઃ

verse 23

અગ્રણીર્ગ્રામણીઃ શ્રીમાન્ ન્યાયો નેતા સમીરણઃ

સહસ્રમૂર્ધા વિશ્વાત્મા સહસ્રાક્ષઃ સહસ્રપાત્

verse 24

આવર્તનો નિવૃત્તાત્મા સંવૃતઃ સમ્પ્રમર્દનઃ

અહઃ સંવર્તકો વહ્નિરનિલો ધરણીધરઃ

verse 25

સુપ્રસાદઃ પ્રસન્નાત્મા વિશ્વધૃગ્વિશ્વભુગ્વિભુઃ

સત્કર્તા સત્કૃતઃ સાધુર્જહ્નુર્નારાયણો નરઃ

verse 26

અસઙ્ખ્યેયોઽપ્રમેયાત્મા વિશિષ્ટઃ શિષ્ટકૃચ્છુચિઃ

સિદ્ધાર્થઃ સિદ્ધસઙ્કલ્પઃ સિદ્ધિદઃ સિદ્ધિસાધનઃ

verse 27

વૃષાહી વૃષભો વિષ્ણુર્વૃષપર્વા વૃષોદરઃ

વર્ધનો વર્ધમાનશ્ચ વિવિક્તઃ શ્રુતિસાગરઃ

verse 28

સુભુજો દુર્ધરો વાગ્મી મહેન્દ્રો વસુદો વસુઃ

નૈકરૂપો બૃહદ્રૂપઃ શિપિવિષ્ટઃ પ્રકાશનઃ

verse 29

ઓજસ્તેજોદ્યુતિધરઃ પ્રકાશાત્મા પ્રતાપનઃ

ઋદ્ધઃ સ્પષ્ટાક્ષરો મન્ત્રશ્ચન્દ્રાંશુર્ભાસ્કરદ્યુતિઃ

verse 30

અમૃતાંશૂદ્ભવો ભાનુઃ શશબિન્દુઃ સુરેશ્વરઃ

ઔષધં જગતઃ સેતુઃ સત્યધર્મપરાક્રમઃ

verse 31

ભૂતભવ્યભવન્નાથઃ પવનઃ પાવનોઽનલઃ

કામહા કામકૃત્કાન્તઃ કામઃ કામપ્રદઃ પ્રભુઃ

verse 32

યુગાદિકૃદ્યુગાવર્તો નૈકમાયો મહાશનઃ

અદૃશ્યો વ્યક્તરૂપશ્ચ સહસ્રજિદનન્તજિત્

verse 33

ઇષ્ટોઽવિશિષ્ટઃ શિષ્ટેષ્ટઃ શિખણ્ડી નહુષો વૃષઃ

ક્રોધહા ક્રોધકૃત્કર્તા વિશ્વબાહુર્મહીધરઃ

verse 34

અચ્યુતઃ પ્રથિતઃ પ્રાણઃ પ્રાણદો વાસવાનુજઃ

અપાંનિધિરધિષ્ઠાનમપ્રમત્તઃ પ્રતિષ્ઠિતઃ

verse 35

સ્કન્દઃ સ્કન્દધરો ધુર્યો વરદો વાયુવાહનઃ

વાસુદેવો બૃહદ્ભાનુરાદિદેવઃ પુરન્દરઃ

verse 36

અશોકસ્તારણસ્તારઃ શૂરઃ શૌરિર્જનેશ્વરઃ

અનુકૂલઃ શતાવર્તઃ પદ્મી પદ્મનિભેક્ષણઃ

verse 37

પદ્મનાભોઽરવિન્દાક્ષઃ પદ્મગર્ભઃ શરીરભૃત્

મહર્દ્ધિરૃદ્ધો વૃદ્ધાત્મા મહાક્ષો ગરુડધ્વજઃ

verse 38

અતુલઃ શરભો ભીમઃ સમયજ્ઞો હવિર્હરિઃ

સર્વલક્ષણલક્ષણ્યો લક્ષ્મીવાન્ સમિતિઞ્જયઃ

verse 39

વિક્ષરો રોહિતો માર્ગો હેતુર્દામોદરઃ સહઃ

મહીધરો મહાભાગો વેગવાનમિતાશનઃ

verse 40

ઉદ્ભવઃ ક્ષોભણો દેવઃ શ્રીગર્ભઃ પરમેશ્વરઃ

કરણં કારણં કર્તા વિકર્તા ગહનો ગુહઃ

verse 41

વ્યવસાયો વ્યવસ્થાનઃ સંસ્થાનઃ સ્થાનદો ધ્રુવઃ

પરર્દ્ધિઃ પરમસ્પષ્ટસ્તુષ્ટઃ પુષ્ટઃ શુભેક્ષણઃ

verse 42

રામો વિરામો વિરજો માર્ગો નેયો નયોઽનયઃ

વીરઃ શક્તિમતાં શ્રેષ્ઠો ધર્મો ધર્મવિદુત્તમઃ

verse 43

વૈકુણ્ઠઃ પુરુષઃ પ્રાણઃ પ્રાણદઃ પ્રણવઃ પૃથુઃ

હિરણ્યગર્ભઃ શત્રુઘ્નો વ્યાપ્તો વાયુરધોક્ષજઃ

verse 44

ઋતુઃ સુદર્શનઃ કાલઃ પરમેષ્ઠી પરિગ્રહઃ

ઉગ્રઃ સંવત્સરો દક્ષો વિશ્રામો વિશ્વદક્ષિણઃ

verse 45

વિસ્તારઃ સ્થાવરસ્થાણુઃ પ્રમાણં બીજમવ્યયમ્

અર્થોઽનર્થો મહાકોશો મહાભોગો મહાધનઃ

verse 46

અનિર્વિણ્ણઃ સ્થવિષ્ઠોઽભૂર્ધર્મયૂપો મહામખઃ

નક્ષત્રનેમિર્નક્ષત્રી ક્ષમઃ ક્ષામઃ સમીહનઃ

verse 47

યજ્ઞ ઇજ્યો મહેજ્યશ્ચ ક્રતુઃ સત્રં સતાં ગતિઃ

સર્વદર્શી વિમુક્તાત્મા સર્વજ્ઞો જ્ઞાનમુત્તમમ્

verse 48

સુવ્રતઃ સુમુખઃ સૂક્ષ્મઃ સુઘોષઃ સુખદઃ સુહૃત્

મનોહરો જિતક્રોધો વીરબાહુર્વિદારણઃ

verse 49

સ્વાપનઃ સ્વવશો વ્યાપી નૈકાત્મા નૈકકર્મકૃત્

વત્સરો વત્સલો વત્સી રત્નગર્ભો ધનેશ્વરઃ

verse 50

ધર્મગુબ્ધર્મકૃદ્ધર્મી સદસત્ક્ષરમક્ષરમ્

અવિજ્ઞાતા સહસ્રાંશુર્વિધાતા કૃતલક્ષણઃ

verse 51

ગભસ્તિનેમિઃ સત્ત્વસ્થઃ સિંહો ભૂતમહેશ્વરઃ

આદિદેવો મહાદેવો દેવેશો દેવભૃદ્ગુરુઃ

verse 52

ઉત્તરો ગોપતિર્ગોપ્તા જ્ઞાનગમ્યઃ પુરાતનઃ

શરીરભૂતભૃદ્ભોક્તા કપીન્દ્રો ભૂરિદક્ષિણઃ

verse 53

સોમપોઽમૃતપઃ સોમઃ પુરુજિત્પુરુસત્તમઃ

વિનયો જયઃ સત્યસન્ધો દાશાર્હઃ સાત્વતામ્પતિઃ

verse 54

જીવો વિનયિતા સાક્ષી મુકુન્દોઽમિતવિક્રમઃ

અમ્ભોનિધિરનન્તાત્મા મહોદધિશયોઽન્તકઃ

verse 55

અજો મહાર્હઃ સ્વાભાવ્યો જિતામિત્રઃ પ્રમોદનઃ

આનન્દો નન્દનો નન્દઃ સત્યધર્મા ત્રિવિક્રમઃ

verse 56

મહર્ષિઃ કપિલાચાર્યઃ કૃતજ્ઞો મેદિનીપતિઃ

ત્રિપદસ્ત્રિદશાધ્યક્ષો મહાશૃઙ્ગઃ કૃતાન્તકૃત્

verse 57

મહાવરાહો ગોવિન્દઃ સુષેણઃ કનકાઙ્ગદી

ગુહ્યો ગભીરો ગહનો ગુપ્તશ્ચક્રગદાધરઃ

verse 58

વેધાઃ સ્વાઙ્ગોઽજિતઃ કૃષ્ણો દૃઢઃ સઙ્કર્ષણોઽચ્યુતઃ

વરુણો વારુણો વૃક્ષઃ પુષ્કરાક્ષો મહામનાઃ

verse 59

ભગવાન્ ભગહાઽઽનન્દી વનમાલી હલાયુધઃ

આદિત્યો જ્યોતિરાદિત્યઃ સહિષ્ણુર્ગતિસત્તમઃ

verse 60

સુધન્વા ખણ્ડપરશુર્દારુણો દ્રવિણપ્રદઃ

દિવસ્પૃક્ સર્વદૃગ્વ્યાસો વાચસ્પતિરયોનિજઃ

verse 61

ત્રિસામા સામગઃ સામ નિર્વાણં ભેષજં ભિષક્

સંન્યાસકૃચ્છમઃ શાન્તો નિષ્ઠા શાન્તિઃ પરાયણમ્

verse 62

શુભાઙ્ગઃ શાન્તિદઃ સ્રષ્ટા કુમુદઃ કુવલેશયઃ

ગોહિતો ગોપતિર્ગોપ્તા વૃષભાક્ષો વૃષપ્રિયઃ

verse 63

અનિવર્તી નિવૃત્તાત્મા સઙ્ક્ષેપ્તા ક્ષેમકૃચ્છિવઃ

શ્રીવત્સવક્ષાઃ શ્રીવાસઃ શ્રીપતિઃ શ્રીમતાંવરઃ

verse 64

શ્રીદઃ શ્રીશઃ શ્રીનિવાસઃ શ્રીનિધિઃ શ્રીવિભાવનઃ

શ્રીધરઃ શ્રીકરઃ શ્રેયઃ શ્રીમાઁલ્લોકત્રયાશ્રયઃ

verse 65

સ્વક્ષઃ સ્વઙ્ગઃ શતાનન્દો નન્દિર્જ્યોતિર્ગણેશ્વરઃ

વિજિતાત્માઽવિધેયાત્મા સત્કીર્તિશ્છિન્નસંશયઃ

verse 66

ઉદીર્ણઃ સર્વતશ્ચક્ષુરનીશઃ શાશ્વતસ્થિરઃ

ભૂશયો ભૂષણો ભૂતિર્વિશોકઃ શોકનાશનઃ

verse 67

અર્ચિષ્માનર્ચિતઃ કુમ્ભો વિશુદ્ધાત્મા વિશોધનઃ

અનિરુદ્ધોઽપ્રતિરથઃ પ્રદ્યુમ્નોઽમિતવિક્રમઃ

verse 68

કાલનેમિનિહા વીરઃ શૌરિઃ શૂરજનેશ્વરઃ

ત્રિલોકાત્મા ત્રિલોકેશઃ કેશવઃ કેશિહા હરિઃ

verse 69

કામદેવઃ કામપાલઃ કામી કાન્તઃ કૃતાગમઃ

અનિર્દેશ્યવપુર્વિષ્ણુર્વીરોઽનન્તો ધનઞ્જયઃ

verse 70

બ્રહ્મણ્યો બ્રહ્મકૃદ્ બ્રહ્મા બ્રહ્મ બ્રહ્મવિવર્ધનઃ

બ્રહ્મવિદ્ બ્રાહ્મણો બ્રહ્મી બ્રહ્મજ્ઞો બ્રાહ્મણપ્રિયઃ

verse 71

મહાક્રમો મહાકર્મા મહાતેજા મહોરગઃ

મહાક્રતુર્મહાયજ્વા મહાયજ્ઞો મહાહવિઃ

verse 72

સ્તવ્યઃ સ્તવપ્રિયઃ સ્તોત્રં સ્તુતિઃ સ્તોતા રણપ્રિયઃ

પૂર્ણઃ પૂરયિતા પુણ્યઃ પુણ્યકીર્તિરનામયઃ

verse 73

મનોજવસ્તીર્થકરો વસુરેતા વસુપ્રદઃ

વસુપ્રદો વાસુદેવો વસુર્વસુમના હવિઃ

verse 74

સદ્ગતિઃ સત્કૃતિઃ સત્તા સદ્ભૂતિઃ સત્પરાયણઃ

શૂરસેનો યદુશ્રેષ્ઠઃ સન્નિવાસઃ સુયામુનઃ

verse 75

ભૂતાવાસો વાસુદેવઃ સર્વાસુનિલયોઽનલઃ

દર્પહા દર્પદો દૃપ્તો દુર્ધરોઽથાપરાજિતઃ

verse 76

વિશ્વમૂર્તિર્મહામૂર્તિર્દીપ્તમૂર્તિરમૂર્તિમાન્

અનેકમૂર્તિરવ્યક્તઃ શતમૂર્તિઃ શતાનનઃ

verse 77

એકો નૈકઃ સવઃ કઃ કિં યત્ તત્પદમનુત્તમમ્

લોકબન્ધુર્લોકનાથો માધવો ભક્તવત્સલઃ

verse 78

સુવર્ણવર્ણો હેમાઙ્ગો વરાઙ્ગશ્ચન્દનાઙ્ગદી

વીરહા વિષમઃ શૂન્યો ઘૃતાશીરચલશ્ચલઃ

verse 79

અમાની માનદો માન્યો લોકસ્વામી ત્રિલોકધૃક્

સુમેધા મેધજો ધન્યઃ સત્યમેધા ધરાધરઃ

verse 80

તેજોવૃષો દ્યુતિધરઃ સર્વશસ્ત્રભૃતાં વરઃ

પ્રગ્રહો નિગ્રહો વ્યગ્રો નૈકશૃઙ્ગો ગદાગ્રજઃ

verse 81

ચતુર્મૂર્તિશ્ચતુર્બાહુશ્ચતુર્વ્યૂહશ્ચતુર્ગતિઃ

ચતુરાત્મા ચતુર્ભાવશ્ચતુર્વેદવિદેકપાત્

verse 82

સમાવર્તોઽનિવૃત્તાત્મા દુર્જયો દુરતિક્રમઃ

દુર્લભો દુર્ગમો દુર્ગો દુરાવાસો દુરારિહા

verse 83

શુભાઙ્ગો લોકસારઙ્ગઃ સુતન્તુસ્તન્તુવર્ધનઃ

ઇન્દ્રકર્મા મહાકર્મા કૃતકર્મા કૃતાગમઃ

verse 84

ઉદ્ભવઃ સુન્દરઃ સુન્દો રત્નનાભઃ સુલોચનઃ

અર્કો વાજસનઃ શૃઙ્ગી જયન્તઃ સર્વવિજ્જયી

verse 85

સુવર્ણબિન્દુરક્ષોભ્યઃ સર્વવાગીશ્વરેશ્વરઃ

મહાહ્રદો મહાગર્તો મહાભૂતો મહાનિધિઃ

verse 86

કુમુદઃ કુન્દરઃ કુન્દઃ પર્જન્યઃ પાવનોઽનિલઃ

અમૃતાશોઽમૃતવપુઃ સર્વજ્ઞઃ સર્વતોમુખઃ

verse 87

સુલભઃ સુવ્રતઃ સિદ્ધઃ શત્રુજિચ્છત્રુતાપનઃ

ન્યગ્રોધોઽદુમ્બરોઽશ્વત્થશ્ચાણૂરાન્ધ્રનિષૂદનઃ

verse 88

સહસ્રાર્ચિઃ સપ્તજિહ્વઃ સપ્તૈધાઃ સપ્તવાહનઃ

અમૂર્તિરનઘોઽચિન્ત્યો ભયકૃદ્ભયનાશનઃ

verse 89

અણુર્બૃહત્કૃશઃ સ્થૂલો ગુણભૃન્નિર્ગુણો મહાન્

અધૃતઃ સ્વધૃતઃ સ્વાસ્યઃ પ્રાગ્વંશો વંશવર્ધનઃ

verse 90

ભારભૃત્ કથિતો યોગી યોગીશઃ સર્વકામદઃ

આશ્રમઃ શ્રમણઃ ક્ષામઃ સુપર્ણો વાયુવાહનઃ

verse 91

ધનુર્ધરો ધનુર્વેદો દણ્ડો દમયિતા દમઃ

અપરાજિતઃ સર્વસહો નિયન્તાઽનિયમોઽયમઃ

verse 92

સત્ત્વવાન્ સાત્ત્વિકઃ સત્યઃ સત્યધર્મપરાયણઃ

અભિપ્રાયઃ પ્રિયાર્હોઽર્હઃ પ્રિયકૃત્ પ્રીતિવર્ધનઃ

verse 93

વિહાયસગતિર્જ્યોતિઃ સુરુચિર્હુતભુગ્વિભુઃ

રવિર્વિરોચનઃ સૂર્યઃ સવિતા રવિલોચનઃ

verse 94

અનન્તો હુતભુગ્ભોક્તા સુખદો નૈકજોઽગ્રજઃ

અનિર્વિણ્ણઃ સદામર્ષી લોકાધિષ્ઠાનમદ્ભુતઃ

verse 95

સનાત્સનાતનતમઃ કપિલઃ કપિરવ્યયઃ

સ્વસ્તિદઃ સ્વસ્તિકૃત્સ્વસ્તિ સ્વસ્તિભુક્સ્વસ્તિદક્ષિણઃ

verse 96

અરૌદ્રઃ કુણ્ડલી ચક્રી વિક્રમ્યૂર્જિતશાસનઃ

શબ્દાતિગઃ શબ્દસહઃ શિશિરઃ શર્વરીકરઃ

verse 97

અક્રૂરઃ પેશલો દક્ષો દક્ષિણઃ ક્ષમિણાંવરઃ

વિદ્વત્તમો વીતભયઃ પુણ્યશ્રવણકીર્તનઃ

verse 98

ઉત્તારણો દુષ્કૃતિહા પુણ્યો દુઃસ્વપ્નનાશનઃ

વીરહા રક્ષણઃ સન્તો જીવનઃ પર્યવસ્થિતઃ

verse 99

અનન્તરૂપોઽનન્તશ્રીર્જિતમન્યુર્ભયાપહઃ

ચતુરશ્રો ગભીરાત્મા વિદિશો વ્યાદિશો દિશઃ

verse 100

અનાદિર્ભૂર્ભુવો લક્ષ્મીઃ સુવીરો રુચિરાઙ્ગદઃ

જનનો જનજન્માદિર્ભીમો ભીમપરાક્રમઃ

verse 101

આધારનિલયોઽધાતા પુષ્પહાસઃ પ્રજાગરઃ

ઊર્ધ્વગઃ સત્પથાચારઃ પ્રાણદઃ પ્રણવઃ પણઃ

verse 102

પ્રમાણં પ્રાણનિલયઃ પ્રાણભૃત્પ્રાણજીવનઃ

તત્ત્વં તત્ત્વવિદેકાત્મા જન્મમૃત્યુજરાતિગઃ

verse 103

ભૂર્ભુવઃસ્વસ્તરુસ્તારઃ સવિતા પ્રપિતામહઃ

યજ્ઞો યજ્ઞપતિર્યજ્વા યજ્ઞાઙ્ગો યજ્ઞવાહનઃ

verse 104

યજ્ઞભૃદ્ યજ્ઞકૃદ્ યજ્ઞી યજ્ઞભુગ્ યજ્ઞસાધનઃ

યજ્ઞાન્તકૃદ્ યજ્ઞગુહ્યમન્નમન્નાદ એવ ચ

verse 105

આત્મયોનિઃ સ્વયઞ્જાતો વૈખાનઃ સામગાયનઃ

દેવકીનન્દનઃ સ્રષ્ટા ક્ષિતીશઃ પાપનાશનઃ

verse 106

શઙ્ખભૃન્નન્દકી ચક્રી શાર્ઙ્ગધન્વા ગદાધરઃ

રથાઙ્ગપાણિરક્ષોભ્યઃ સર્વપ્રહરણાયુધઃ

સર્વપ્રહરણાયુધ ૐ નમ ઇતિ

verse 107

વનમાલી ગદી શાર્ઙ્ગી શઙ્ખી ચક્રી ચ નન્દકી

શ્રીમાન્ નારાયણો વિષ્ણુર્વાસુદેવોઽભિરક્ષતુ

શ્રીવાસુદેવોઽભિરક્ષતુ ૐ નમ ઇતિ

verse 108

Phalaśruti

ભીષ્મ ઉવાચ

ઇતીદં કીર્તનીયસ્ય કેશવસ્ય મહાત્મનઃ

નામ્નાં સહસ્રં દિવ્યાનામશેષેણ પ્રકીર્તિતમ્

verse 1

ય ઇદં શૃણુયાન્નિત્યં યશ્ચાપિ પરિકીર્તયેત્

નાશુભં પ્રાપ્નુયાત્કિઞ્ચિત્સોઽમુત્રેહ ચ માનવઃ

verse 2

વેદાન્તગો બ્રાહ્મણઃ સ્યાત્ક્ષત્રિયો વિજયી ભવેત્

વૈશ્યો ધનસમૃદ્ધઃ સ્યાચ્છૂદ્રઃ સુખમવાપ્નુયાત્

verse 3

ધર્માર્થી પ્રાપ્નુયાદ્ધર્મમર્થાર્થી ચાર્થમાપ્નુયાત્

કામાનવાપ્નુયાત્કામી પ્રજાર્થી પ્રાપ્નુયાત્પ્રજામ્

verse 4

ભક્તિમાન્ યઃ સદોત્થાય શુચિસ્તદ્ગતમાનસઃ

સહસ્રં વાસુદેવસ્ય નામ્નામેતત્પ્રકીર્તયેત્

verse 5

યશઃ પ્રાપ્નોતિ વિપુલં જ્ઞાતિપ્રાધાન્યમેવ ચ

અચલાં શ્રિયમાપ્નોતિ શ્રેયઃ પ્રાપ્નોત્યનુત્તમમ્

verse 6

ન ભયં ક્વચિદાપ્નોતિ વીર્યં તેજશ્ચ વિન્દતિ

ભવત્યરોગો દ્યુતિમાન્બલરૂપગુણાન્વિતઃ

verse 7

રોગાર્તો મુચ્યતે રોગાદ્બદ્ધો મુચ્યેત બન્ધનાત્

ભયાન્મુચ્યેત ભીતસ્તુ મુચ્યેતાપન્ન આપદઃ

verse 8

દુર્ગાણ્યતિતરત્યાશુ પુરુષઃ પુરુષોત્તમમ્

સ્તુવન્નામસહસ્રેણ નિત્યં ભક્તિસમન્વિતઃ

verse 9

વાસુદેવાશ્રયો મર્ત્યો વાસુદેવપરાયણઃ

સર્વપાપવિશુદ્ધાત્મા યાતિ બ્રહ્મ સનાતનમ્

verse 10

ન વાસુદેવભક્તાનામશુભં વિદ્યતે ક્વચિત્

જન્મમૃત્યુજરાવ્યાધિભયં નૈવોપજાયતે

verse 11

ઇમં સ્તવમધીયાનઃ શ્રદ્ધાભક્તિસમન્વિતઃ

યુજ્યેતાત્મસુખક્ષાન્તિશ્રીધૃતિસ્મૃતિકીર્તિભિઃ

verse 12

ન ક્રોધો ન ચ માત્સર્યં ન લોભો નાશુભા મતિઃ

ભવન્તિ કૃતપુણ્યાનાં ભક્તાનાં પુરુષોત્તમે

verse 13

દ્યૌઃ સચન્દ્રાર્કનક્ષત્રા ખં દિશો ભૂર્મહોદધિઃ

વાસુદેવસ્ય વીર્યેણ વિધૃતાનિ મહાત્મનઃ

verse 14

સસુરાસુરગન્ધર્વં સયક્ષોરગરાક્ષસમ્

જગદ્વશે વર્તતેદં કૃષ્ણસ્ય સચરાચરમ્

verse 15

ઇન્દ્રિયાણિ મનો બુદ્ધિઃ સત્ત્વં તેજો બલં ધૃતિઃ

વાસુદેવાત્મકાન્યાહુઃ ક્ષેત્રં ક્ષેત્રજ્ઞ એવ ચ

verse 16

સર્વાગમાનામાચારઃ પ્રથમં પરિકલ્પ્યતે

આચારપ્રભવો ધર્મો ધર્મસ્ય પ્રભુરચ્યુતઃ

verse 17

ઋષયઃ પિતરો દેવા મહાભૂતાનિ ધાતવઃ

જઙ્ગમાજઙ્ગમં ચેદં જગન્નારાયણોદ્ભવમ્

verse 18

યોગો જ્ઞાનં તથા સાઙ્ખ્યં વિદ્યાઃ શિલ્પાદિકર્મ ચ

વેદાઃ શાસ્ત્રાણિ વિજ્ઞાનમેતત્સર્વં જનાર્દનાત્

verse 19

એકો વિષ્ણુર્મહદ્ભૂતં પૃથગ્ભૂતાન્યનેકશઃ

ત્રીંલ્લોકાન્વ્યાપ્ય ભૂતાત્મા ભુઙ્ક્તે વિશ્વભુગવ્યયઃ

verse 20

ઇમં સ્તવં ભગવતો વિષ્ણોર્વ્યાસેન કીર્તિતમ્

પઠેદ્ય ઇચ્છેત્પુરુષઃ શ્રેયઃ પ્રાપ્તું સુખાનિ ચ

verse 21

વિશ્વેશ્વરમજં દેવં જગતઃ પ્રભુમવ્યયમ્

ભજન્તિ યે પુષ્કરાક્ષં ન તે યાન્તિ પરાભવમ્

ન તે યાન્તિ પરાભવમ્ ૐ નમ ઇતિ

verse 22

અર્જુન ઉવાચ

પદ્મપત્રવિશાલાક્ષ પદ્મનાભ સુરોત્તમ

ભક્તાનામનુરક્તાનાં ત્રાતા ભવ જનાર્દન

verse 23

શ્રીભગવાનુવાચ

યો માં નામસહસ્રેણ સ્તોતુમિચ્છતિ પાણ્ડવ

સોઽહમેકેન શ્લોકેન સ્તુત એવ ન સંશયઃ

સ્તુત એવ ન સંશય ૐ નમ ઇતિ

verse 24

વ્યાસ ઉવાચ

વાસનાદ્વાસુદેવસ્ય વાસિતં ભુવનત્રયમ્

સર્વભૂતનિવાસોઽસિ વાસુદેવ નમોઽસ્તુ તે

શ્રીવાસુદેવ નમોઽસ્તુ ત ૐ નમ ઇતિ

verse 25

પાર્વત્યુવાચ

કેનોપાયેન લઘુના વિષ્ણોર્નામસહસ્રકમ્

પઠ્યતે પણ્ડિતૈર્નિત્યં શ્રોતુમિચ્છામ્યહં પ્રભો

verse 26

ઈશ્વર ઉવાચ

શ્રીરામરામરામેતિ રમે રામે મનોરમે

સહસ્રનામતત્તુલ્યં રામનામ વરાનને

શ્રીરામનામ વરાનન ૐ નમ ઇતિ

verse 27

બ્રહ્મોવાચ

નમોઽસ્ત્વનન્તાય સહસ્રમૂર્તયે

સહસ્રપાદાક્ષિશિરોરુબાહવે

સહસ્રનામ્ને પુરુષાય શાશ્વતે

સહસ્રકોટિયુગધારિણે નમઃ

સહસ્રકોટિયુગધારિણે નમ ૐ નમ ઇતિ

verse 28

ૐ તત્સદિતિ શ્રીમહાભારતે શતસાહસ્ર્યાં સંહિતાયાં વૈયાસિક્યામાનુશાસનિકે

પર્વણિ ભીષ્મયુધિષ્ઠિરસંવાદે શ્રીવિષ્ણોર્દિવ્યસહસ્રનામસ્તોત્રમ્

સઞ્જય ઉવાચ

યત્ર યોગેશ્વરઃ કૃષ્ણો યત્ર પાર્થો ધનુર્ધરઃ

તત્ર શ્રીર્વિજયો ભૂતિર્ધ્રુવા નીતિર્મતિર્મમ

verse 29

શ્રીભગવાનુવાચ

અનન્યાશ્ચિન્તયન્તો માં યે જનાઃ પર્યુપાસતે

તેષાં નિત્યાભિયુક્તાનાં યોગક્ષેમં વહામ્યહમ્

verse 30

પરિત્રાણાય સાધૂનાં વિનાશાય ચ દુષ્કૃતામ્

ધર્મસંસ્થાપનાર્થાય સમ્ભવામિ યુગે યુગે

verse 31

આર્તા વિષણ્ણાઃ શિથિલાશ્ચ ભીતા ઘોરેષુ ચ વ્યાધિષુ વર્તમાનાઃ

સઙ્કીર્ત્ય નારાયણશબ્દમાત્રં વિમુક્તદુઃખાઃ સુખિનો ભવન્તિ

verse 32

કાયેન વાચા મનસેન્દ્રિયૈર્વા બુદ્ધ્યાત્મના વા પ્રકૃતેઃ સ્વભાવાત્

કરોમિ યદ્યત્ સકલં પરસ્મૈ નારાયણાયેતિ સમર્પયામિ

verse 33

ઇતિ શ્રીવિષ્ણોર્દિવ્યસહસ્રનામસ્તોત્રં સમ્પૂર્ણમ્

ૐ તત્ સત્

મહાભારતે અનુશાસનપર્વણિ અધ્યાયઃ ૧૪૯

Learn it — one shloka at a time